Fréttir

Laut – Harpa Karen 6 ára

Laut

Þann 8. júní síðastliðinn varð Harpa Karen 6 ára. Við óskum henni og fjölskyldu hennar hjartanlega til hamingju með daginn. Bestu kveðjur frá öllum vinum þínum í Laut 🙂 Sjá myndir hér !

Vikan í Bergi

Berg

Í vikunni fórum við í gönguferð í Hulduheima Sel og fengum að leika okkur á lóðinni þeirra. Alltaf gaman að prófa ný leikskvæði. Við æfðum einnig hugrekki og sviðsframkomu með því að koma fram og segja brandara, syngja eða kynna okkur! Við heimsóttum útiskólasvæði Giljaskóla og gerðum útilistaverk og margt fleira. Hér koma nokkrar myndir frá vikunni og hér.

Amelía Rós 5 ára

Hvammur

Amelía Rós er 5 ára í dag. Í tilefni þess héldum við í Hvammi uppá það með henni í dag. Við óskum henni og fjölskyldu hennar til hamingju með daginn. Bestu kveðjur frá öllum í Hvammi.

Sjá myndir hér.

Skrúðganga 15. júní

Allar deildir/sameiginlegt

Þann 15. júní síðastliðinn fóru börn og starfsfólk Tröllaborga í skrúðgöngu til að fagna 17 júní,  þjóðhátíðardegi okkar Íslendinga. Börnin voru búin að útbúa kórónur eða hljóðfæri sem þau tóku með í gönguna auk þess sem íslenska fánanum var veifað í tilefni dagsins.

Hér má sjá myndir frá skrúðgöngunni

Kveðja frá öllum í Tröllaborgum

Rómeó Elí 5 ára

Berg

Á mánudaginn 18. júní verður Rómeó Elí 5 ára og við héldum uppá það með honum í dag! Við óskum honum og fjölskyldu hans til hamingju með þennan merka áfanga! Myndir hér:

Gönguferð í Laut

Berg

Í vikunni fórum við í Bergi í heimsókn í Laut. Við lékum okkur á útileiksvæðinu og á skólalóð Glerárskóla. Eftir sumarfrí fara fjögur börn úr Bergi í Laut – þau Birta Kristín, Vidosav Grétar, Hörður Freyr og Eldjárn Alvar. Þau fengu að fara inn og skoða sig um og ræða aðeins við starfsfólkið. Myndir hér:

  

Hvammur – útskriftarferð

Hvammur

Á miðvikudaginn fór Tröllahópur í Hvammi í útskrifarferð, óvissuferð til Hríseyjar. Dagurinn var mjög skemmtilegur og mikil spenna í lofti. Hríseyingar tóku vel á móti okkur og fengum við skaplegt veður. Við brösuðum ýmislegt skemmtilegt og var það þreyttur hópur sem sneri heim í lok dags.

   

Sjá myndir hér. 

Laut – Útskriftarferð

Laut

Það var heldur betur skemmtilegur dagur hjá okkur í Laut í gær, en þá fórum við í útskriftarferð til Hríseyjar. Þetta var eins og þið öll vitið óvissuferð og enginn vissi því hvert ferðinni yrði heitið. Hríseyingar tóku vel á móti okkur, þó veðrið hefði mátt vera örlítið betra. Við létum það hins vegar ekkert á okkur fá og ferðin heppnaðist í alla staði frábærlega vel. Sjá myndir hér !

Sara Rós 6 ára

Hvammur

Sara Rós verður 6 ára 10. júní næstkomandi sem er á sunnudaginn. Í tilefni þess héldum við í Hvammi uppá það með henni í dag. Við óskum henni og fjölskyldu hennar til hamingju með daginn. Bestu kveðjur frá öllum í Hvammi.

Sjá myndir hér.

Berg í heimsókn á Slökkvistöðina

Berg

Í morgun fórum við í heimskókn á Slökkvistöðina, við fengum að skoða skökkvibíla og sjúlrabíla einnig fengum við að prufa hjálma og vatnsbyssur. Allir skemmtu sér vel og flestir vildu prufa, merkilegast var þó uppblásin einotahanski sem alltir fengu 🙂 myndir

Laut – Hjóladagur

Laut

Í gær var hjóladagur hjá okkur í Laut. Börnin nutu þess að hjóla um svæðið í þessu yndislega veðri sem búið er að umlykja okkur síðustu daga. Lögreglan kíkti í heimsókn til okkar og fræddi börnin um umferðarreglurnar. Einnig skoðaði hún alla hjálma sem og bremsubúnaðinn á hjólunum. Börnin fengu skoðunarmiða sem vakti mikla lukku. Sjá myndir hér !

Ferð á Leikfangasafnið – Hvammur

Hvammur

Á mánudaginn fórum við í heimsókn á Leikfangasafnið í Friðbjarnarhúsi í Aðalstræti 46. Þar tók Guðbjörg á móti okkur og sýndi okkur allt dótið sem hún er búin að safna sér frá því áður fyrr. Krakkarnir voru mjög dugleg að sýna virðingu og ekki snerta dótið í fyrstu herbergjunum. Síðan enduðum við á að fá að leika í leikherberginu að dótinu sem má leika með og krakkarnir skemmtu sér konunglega.

Sjá myndir hér.

  

Berg í drullukökubakstri

Berg

Í morgun fórum við í skóginn fyrir neðan Tröllaborgir með vatn, skoflur og form, við hlustuðum á söguna um „ Langafi drullumallar“ Við ákváðum að gera eins og í sögunni og drullumölluðum frábærar kökur í öllu stærðum og gerðum. myndir

Jökull Freyr hættir :)

Lækur

Fimmtudagurinn 31. maí var síðasti dagurinn hans Jökuls Freys í Tröllaborgum. Við þökkum honum og fjölskyldu hans innilega fyrir samveruna og óskum þeim góðs gengið á nýjum stað 🙂

Sjá myndir hér

Vettvangsferð í Akureyrarkirkju og Sigurhæðir

Berg

Í dag fórum við í vettvangsferð í miðbæinn þar sem við fórum og skoðuðum Akureyrarkirkju og Sigurhæðir. Við vorum búin að tala við organistann, Eyþór Inga Jónsson, sem tók á móti okkur og sýndi okkur orgelið og spilaði nokkur lög fyrir okkur: Vertu til, Vor í Vaglaskógi og 17 júní-lagið. Einnig sýndi hann okkur hvernig hægt er að herma eftir ýmsum hljóðfærum með orgelinu og líkja eftir hljóðum dýra. Eftir þessa fræðslu gengum við aðeins um kirkjuna og skoðuðum og fórum svo út og heimsóttum Sigurhæðir.  Myndir hér

   

Strætóferð :)

Lækur

Þriðjudaginn 22. maí fóru Ljónahópur og Krókódílahópur saman í strætóferð. Við fórum niður í bæ þar sem við skoðuðum okkur um, lékum okkur aðeins og fengum okkur ávexti. Á leiðinni heim komum við, við á róló og lékum okkur aðeins áður en við löbbuðum aftur í leikskólann 🙂

Sjá myndir hér