Heimsókn í Rauða krossinn, Berg

Þetta haustið erum við að tileinka okkur dygðina hjálpsemi og ákváðum við í Bergi að safna  saman gömlum og of litlum fötum af okkur og færa Rauða krossinum afraksturinn í  fatasöfnun þeirra. Fimmtudaginn 22. nóv fórum við svo í vettvangsferð í Rauða krossinn með stútfulla poka sem við þurftum að hjálpast að við að bera á áfangastað. Að sjáfsögðu var tekið afskaplega vel á móti okkur og fengu börnin fræðslu um mikilvægi fatasöfnunar bæði hvað varðar hjálparstarf og endurvinnslu.

Stafir hér og stafir þar, Berg

Börnin í Bergi hafa mikinn áhuga á bókstöfunum og er gaman að sjá hvernig stafirnir flæða í gegnum leikinn hjá þeim og skiptir þá engu máli hvort þau séu við matarborðið eða í útiveru. 🙂

  

Tröllahópur heimsækir bókasafn Giljaskóla, Berg

Í gær heimsótti Tröllahópur bókasafn Giljaskóla en þar tók hún Ingunn, skólasafnskennari, á móti okkur. Hún sagði okkur frá bókasafninu, las fyrir okkur skemmtilega bók um ref, sýndi okkur uppstoppuð dýr (þar á meðal ref) og í lokin fengum við að skoða alls konar skemmtilegar bækur. Á leiðinni heim var farið að snjóa og skemmtu börnin sér við að skrifa stafi með fótunum í fölina, sjá myndir hér !

Byggingarlist Bergi

Börnin hafa einstaklega gaman af því að byggja úr seglaplötum sem við eigum og er gaman að fylgjast með allri stærðfræðinni sem á sér stað í byggingarferlinu. Börnin keppast við að byggja sínar eigin byggingar og eins hafa þau byggt hinar og þessar eftirmyndir af kirkjum landsins s.s. Akureyrarkirkju. Hver veit nema hér séu upprennandi byggingafræðingar og arkitektúrar á ferð ? 🙂

Heimsókn á Amtbókasafnið, Berg

Í gær fórum við með strætó í heimsókn á Amtbókasafnið. Þar tók hún Fríða á móti okkur í bangsabúningi og las fyrir okkur skemmtilega sögu um hjálpsaman bangsa. Að sögustund lokinni máttum við lesa bækur, lita bangsamyndir og leika okkur. Við tókum svo strætó aftur í leikskólann og komum beint í skemmtilegt söngvaflóð. 🙂

Heimsókn slökkviliðsins, Berg

Í gær heimsóttu þeir Alli og Maron slökkviliðsmenn Tröllahóp í Bergi. Þeir fræddu okkur um eldvarnir og sýndu okkur búningana sína. Við fórum svo á Velli þar sem þeir sýndu okkur fræðslumynd  um búálfa systkinin Loga og Glóð sem eru sérlegir aðstoðarmenn slökkviliðisins.
Í vetur munum við í Tröllahóp nefnilega aðstoða slökkviðið og sjá um eldvarnareftirlit í skólanum okkar. Börnin fara tvö saman í einu, ásamt kennara, hring um skólann og skoða hvar slökkvitækin eru geymd, brunaslöngur, athuga með reykskynjara, eldvarnakerfið, ruslasöfnun og fleira. 🙂 Í lokin fengum við svo að skoða slökkvibílinn að utan sem innan, sjá myndir hér !

Aðlögun í Bergi

Þessa dagana er aðlögun í Bergi. Fimm ný börn byrjuðu í gær, þau Embla Karen, Brynjar Arnþór, Hjörtur Logi, Auður Huld og Helga Líf. Daníel Snær byrjaði hjá okkur í síðustu viku. Við bjóðum þau og fjölskyldur þeirra velkomin til okkar í Berg!

Myndir hér

Heimsókn í Matur og Mörk

Í dag fór Berg í vettvangsferð í Matur og Mörk. Við fórum með strætó. Pabbi hennar Bríetar Söru tók á móti okkur og við fengum að sjá hvað er framleitt hjá þeim. Í lok heimsóknarinnar fengu allir smá popp með sér í nesti. Á heimleiðinni stoppuðum við á róluvelli og lékum okkur. Hundurinn hennar Rósu, hann Skuggi gamli, kíkti aðeins á okkur þar 🙂 Myndir hér

   

 

Vikan í Bergi

Í vikunni fórum við í gönguferð í Hulduheima Sel og fengum að leika okkur á lóðinni þeirra. Alltaf gaman að prófa ný leikskvæði. Við æfðum einnig hugrekki og sviðsframkomu með því að koma fram og segja brandara, syngja eða kynna okkur! Við heimsóttum útiskólasvæði Giljaskóla og gerðum útilistaverk og margt fleira. Hér koma nokkrar myndir frá vikunni og hér.

Rómeó Elí 5 ára

Á mánudaginn 18. júní verður Rómeó Elí 5 ára og við héldum uppá það með honum í dag! Við óskum honum og fjölskyldu hans til hamingju með þennan merka áfanga! Myndir hér:

Gönguferð í Laut

Í vikunni fórum við í Bergi í heimsókn í Laut. Við lékum okkur á útileiksvæðinu og á skólalóð Glerárskóla. Eftir sumarfrí fara fjögur börn úr Bergi í Laut – þau Birta Kristín, Vidosav Grétar, Hörður Freyr og Eldjárn Alvar. Þau fengu að fara inn og skoða sig um og ræða aðeins við starfsfólkið. Myndir hér:

  

Berg í heimsókn á Slökkvistöðina

Í morgun fórum við í heimskókn á Slökkvistöðina, við fengum að skoða skökkvibíla og sjúlrabíla einnig fengum við að prufa hjálma og vatnsbyssur. Allir skemmtu sér vel og flestir vildu prufa, merkilegast var þó uppblásin einotahanski sem alltir fengu 🙂 myndir

Berg í drullukökubakstri

Í morgun fórum við í skóginn fyrir neðan Tröllaborgir með vatn, skoflur og form, við hlustuðum á söguna um „ Langafi drullumallar“ Við ákváðum að gera eins og í sögunni og drullumölluðum frábærar kökur í öllu stærðum og gerðum. myndir

Vettvangsferð í Akureyrarkirkju og Sigurhæðir

Í dag fórum við í vettvangsferð í miðbæinn þar sem við fórum og skoðuðum Akureyrarkirkju og Sigurhæðir. Við vorum búin að tala við organistann, Eyþór Inga Jónsson, sem tók á móti okkur og sýndi okkur orgelið og spilaði nokkur lög fyrir okkur: Vertu til, Vor í Vaglaskógi og 17 júní-lagið. Einnig sýndi hann okkur hvernig hægt er að herma eftir ýmsum hljóðfærum með orgelinu og líkja eftir hljóðum dýra. Eftir þessa fræðslu gengum við aðeins um kirkjuna og skoðuðum og fórum svo út og heimsóttum Sigurhæðir.  Myndir hér

   

Ævintýraferð

Í morgun fórum við í ævintýraferð og hittum fullt af ævintýrapersónum, skemmtilega að skoða þetta. Skemmtileg ferð og allir skemmtu sér vel. Hlustuðum á ævintýri við tjörnina 🙂 Myndir hér

Hjóladagur í Bergi

Í gær var hjóladagur í Bergi. Allir komu með hjól og við útbjuggum hjólasvæði á bílastæðinu. Lögreglan kom í heimsókn og fór yfir bremsubúnaðinn á hjólunum og gaf skoðunarmiða sem vöktu mikla lukku. Á köflum var ansi vindasamt þannig að við þurftum að klæða okkur vel en létum það ekki trufla okkur! Myndir hér.

Vorsýning í Bergi

Í gær, 17. maí, buðum við í Bergi foreldrum á vorsýningu. Þar æfðum við okkur að koma fram og sungum og fórum með þulur, spurðum spurninga og síðast en ekki síst þá sýndum við skuggaleikhúsið okkar um Pétur og úlfinn. Sýningin gekk vonum framar og ekki var betur séð en að allir skemmtu sér vel! Við þökkum ykkur kærlega fyrir komuna! Myndbönd hér