Skólahald fellur niður í dag kl. 13

Almannavarnir Eyjafjarðar mælast til þess að skólahaldi verði hætt fljótlega uppúr hádegi. Nú liggur fyrir að veðurspár ganga eftir, á mörkunum er að hægt sé að halda aðalleiðum opnum hér innanbæjar og því eru meiri líkur en minni á að þegar vindur eykst þá verði verulegar samgöngutruflanir. Skólahaldi verður því hætt í dag kl. 13.

Foreldrar leikskólabarna þurfa að sækja börn sín fyrir þann tíma.

The public defense of Eyjafjörður recommends that schooling should be stopped soon at 13:00 the latest. Now it is clear that the weather forecasts are correct, it is barely possible to keep the main routes open in town and therefore there is a greater likelihood that when the wind rises there will be significant interruptions in transport. Schooling will therefore close today at. 13. Appropriate measures must be taken for parents of preschool children to attend to their children before that time. Messages should also be sent to the parents of young children at the youngest level of grunnskóli. Frístund is also canceled from the same time.
Dear parents, please pick up your children as soon as possible – they must be home by 1 pm when school closes. It is good to pick up the youngest children before their sleeping time.

Verklagsreglur í óveðri og / eða ófærð

Kæru foreldrar.
Vinsamlegast kynnið ykkur eftirfarandi verklagsreglur sem gilda þegar útlit er fyrir óveður/ófærð í bænum.

Óveður og / eða ófærð
Verklagsreglur

Tilkynning lögreglu: Ef veður eða færð er með þeim hætti að morgni að lögregla mælir með því að skólahald verði fellt niður, er brugðist við því.  Þá fellur niður allt formlegt skólahald í leik- og grunnskólum Akureyrarbæjar, samkvæmt tilmælum lögreglu.

Sviðsstjóri fræðslusviðs er í slíkum tilvikum í sambandi við lögreglu að morgni og kemur tilkynningu í RÚV og Bylgjuna um að kennsla sé felld niður í leik- og grunnskólum á Akureyri. Er þá gert ráð fyrir því að fyrsta tilkynning sé birt kl. 7.00 að morgni. 

Ábyrgð foreldra:  Almennt þegar vond vetrarveður ganga yfir verða foreldrar ávallt að meta sjálfir hvort óhætt sé að senda barn í skólann ef ekki hefur komið tilkynning frá lögreglu um að skólahald skuli falla niður. Í hverjum skóla er alltaf einhver hluti starfsmanna mættur til að taka á móti þeim börnum sem kunna að mæta, ef upplýsingar um lokun að tilmælum lögreglu hafa ekki náð til foreldra að morgni.  Sé barn heima vegna veðurs eða ófærðar þarf að tilkynna það í sms/síma eða með tölvupósti.

Ábyrgð skólayfirvalda: Af öryggisástæðum er hver skóli ábyrgur fyrir því að stjórnandi/starfsmaður sé kominn í skólann að morgni fyrir skólabyrjun ef vera skyldi að einhverjir mættu. Þeir eru þá upplýstir um að skólahald falli niður og nemendur/leikskólabörn skuli vera heima. Tryggja skal öryggi ungra grunnskólabarna, að þau séu ekki send ein heim aftur heldur tryggt að ábyrgðaraðili sæki. Af öryggisástæðum verða einhverjir að vera í húsi til kl. 10:00.

Akureyri, 9. janúar 2018
Sviðsstjóri fræðslusviðs

Tröllaborgir 15 ára og opnun Árholts

Í dag eru liðin 15 ár frá vígslu leikskólans Tröllaborga. Á þessum tímamótum gleðjumst við einnig yfir opnun Árholts sem er nú orðin yngri barna deild í Tröllaborgum. Við viljum þakka fyrrum starfsmönnum, foreldrum, nemendum og öðrum sem hafa komið að starfsemi leikskólans fyrir góðar stundir á liðnum árum.
Í tilefni afmælisins langar okkur að rifja upp hvernig nokkrir nemendur skólans svöruðu spurningum um dygðir á Degi leikskólans árið 2007 og hvernig þau myndu svara í dag, sjá hér að neðan.  Hlýjar kveðjur frá öllum í Tröllaborgum.

Jólaball í Tröllaborgum

Föstudaginn 14. des var haldið jólaball fyrir börn og starfsmenn Tröllaborga. Þeir bræður Stekkjastaur og Giljagaur kíktu við, dönsuðu með okkur í kringum jólatréð og að lokum fóru þeir inn á deildir og færðu börnunum pakka. (Hægt er að stækka myndirnar með því að ýta á þær)  🙂

Heimsókn í Rauða krossinn, Berg

Þetta haustið erum við að tileinka okkur dygðina hjálpsemi og ákváðum við í Bergi að safna  saman gömlum og of litlum fötum af okkur og færa Rauða krossinum afraksturinn í  fatasöfnun þeirra. Fimmtudaginn 22. nóv fórum við svo í vettvangsferð í Rauða krossinn með stútfulla poka sem við þurftum að hjálpast að við að bera á áfangastað. Að sjáfsögðu var tekið afskaplega vel á móti okkur og fengu börnin fræðslu um mikilvægi fatasöfnunar bæði hvað varðar hjálparstarf og endurvinnslu.

Stafir hér og stafir þar, Berg

Börnin í Bergi hafa mikinn áhuga á bókstöfunum og er gaman að sjá hvernig stafirnir flæða í gegnum leikinn hjá þeim og skiptir þá engu máli hvort þau séu við matarborðið eða í útiveru. 🙂

  

Tröllahópur heimsækir bókasafn Giljaskóla, Berg

Í gær heimsótti Tröllahópur bókasafn Giljaskóla en þar tók hún Ingunn, skólasafnskennari, á móti okkur. Hún sagði okkur frá bókasafninu, las fyrir okkur skemmtilega bók um ref, sýndi okkur uppstoppuð dýr (þar á meðal ref) og í lokin fengum við að skoða alls konar skemmtilegar bækur. Á leiðinni heim var farið að snjóa og skemmtu börnin sér við að skrifa stafi með fótunum í fölina, sjá myndir hér !

Byggingarlist Bergi

Börnin hafa einstaklega gaman af því að byggja úr seglaplötum sem við eigum og er gaman að fylgjast með allri stærðfræðinni sem á sér stað í byggingarferlinu. Börnin keppast við að byggja sínar eigin byggingar og eins hafa þau byggt hinar og þessar eftirmyndir af kirkjum landsins s.s. Akureyrarkirkju. Hver veit nema hér séu upprennandi byggingafræðingar og arkitektúrar á ferð ? 🙂

Heimsókn á Amtbókasafnið, Berg

Í gær fórum við með strætó í heimsókn á Amtbókasafnið. Þar tók hún Fríða á móti okkur í bangsabúningi og las fyrir okkur skemmtilega sögu um hjálpsaman bangsa. Að sögustund lokinni máttum við lesa bækur, lita bangsamyndir og leika okkur. Við tókum svo strætó aftur í leikskólann og komum beint í skemmtilegt söngvaflóð. 🙂

Heimsókn slökkviliðsins, Berg

Í gær heimsóttu þeir Alli og Maron slökkviliðsmenn Tröllahóp í Bergi. Þeir fræddu okkur um eldvarnir og sýndu okkur búningana sína. Við fórum svo á Velli þar sem þeir sýndu okkur fræðslumynd  um búálfa systkinin Loga og Glóð sem eru sérlegir aðstoðarmenn slökkviliðisins.
Í vetur munum við í Tröllahóp nefnilega aðstoða slökkviðið og sjá um eldvarnareftirlit í skólanum okkar. Börnin fara tvö saman í einu, ásamt kennara, hring um skólann og skoða hvar slökkvitækin eru geymd, brunaslöngur, athuga með reykskynjara, eldvarnakerfið, ruslasöfnun og fleira. 🙂 Í lokin fengum við svo að skoða slökkvibílinn að utan sem innan, sjá myndir hér !

Tröllakrakka hópur fór í óvissuferð

Tröllakrakka – hópur fór í óvissuferð. Við byrjuðum á því að labba niður í Glerárskóla og lékum okkur aðeins á útisvæðinu í Laut. Svo hoppuðum við upp í strætó og fórum með honum niður í bæ. Ætluðum að kíkja á bókasafnið en það var ekki búið að opna, þannig að við löbbuðum í Pennann og skoðuðum bækurnar þar. Löbbuðum svo aftur á bókasafnið. Þar fengum við að kíkja í bækurnar þar og sumir úr hópnum eru byrjuð að lesa þannig að við vorum líka að æfa okkur í að lesa aðeins. Skemmtilegur dagur hjá okkur:) Hérna eru myndir úr ferðinni – Árný Helga að lesa – Grettir að lesa


Tröllakrakka – hópur

Tröllakrakkar

Við í Tröllakrakka-hóp vorum að gera sjálfsmynd af okkur 🙂 þeim fannst þetta mjög gaman og voru virkilega að vanda sig þegar kom að fatavalinu 🙂 hérna eru myndir

Öskudagur í Hvammi

Á öskudaginn fórum við Hvammi og sungum fyrir nokkur fyrirtæki hérna í nágreninu. Allir voru rosalega duglegir og sungu hátt og skýrt 🙂 við fengum fullt af góðgæti í pokan okkar. Sjá myndir